प्रधानमन्त्री प्रचण्ड चीन भ्रमण क्वचाय्का थौं स्वदेश लिहावःगु दु। संयुक्त राष्ट्र संघया महासभाय् ब्बति कायेगु निति न्युयोर्क वःम्ह प्रधानमन्त्री प्रचण्ड उखेपाखे हे वंगु असोज ६ गते चीनय् वःगु खः।

प्रचण्ड थौं छेन्दुपाखे थौं लिहावःगु खः। असोज ६ गते हान्झाउय् चिनियाँ राष्ट्रपति सी जिनफिङयात नापलाना वयकः कन्ह्यः कुन्हु हे समकक्षी ली छ्याङयात नापलानादीगु खः।

निगु पक्षीय नाप लायेधुका थीथी सहमति व सम्झौताय् ल्हाःचिं तःगु खः। वया लिपा प्रचण्ड चीनया थीथी थासय् चाःहिला थौं स्वदेश लिहावःगु खः।

त्रिभुवन विमानस्थलय् प्रधानमन्त्रीयात उपप्रधान मन्त्रीपि पूर्णबहादुर खड्का व नारायणकाजी श्रेष्ठ, सभामुख देवराज घिमिरे, राष्ट्रियसभा अध्यक्ष गणेश तिमिल्सिना, पर्यटनमन्त्री सुदन किराती लगायतपिन्स लसकुस याःगु खः ।

Categorized in राष्ट्रिय