लिटिलस्टार नेपालभाषा म्ये कासाय् अमला महर्जनं न्हाप
लहनान्युज | यंलागा पारु ११४३, असोज १३ शनिवाः
![](https://www.lahananews.com/sites/default/files/16_5.jpg)
यल महानगरपालिका १६ वडा कलाकार समितिं यँयाः पुन्हीया लसताय् लिटिलस्टार नेपालभाषा म्ये कासाय् अमला महर्जनं न्हाप लागू दु।
वयकःया पुचलं दकलय् बांलागु सिरपा कथं छगू लखतका सिरपा बिउगु खःसा सलय् नं न्हापालाना दकले बांलाम्ह म्येहालामि कथं नीन्याद्वः तका सिरपा नं त्याकुगु खः ।
अथेहे उगु म्येया निंतिं सानुबाबु महर्जन दकले बांलाम्ह संगीतकार घोषणा जुया नीन्याद्वः तका सिरपा त्याकादीगु खःसा म्ये च्वमिया सिरपा प्रबिन लाखःजुं त्याकादिगु खः।
उगु कासाय् म्येपाखे कुन्जनी महर्जनया पुचः ल्यू जूया न्हयेन्याद्वः, युनिशा शेर्पा देसारया पुचलं लियाल्यू जूया न्यय् द्वः व पुष्पराज शाक्यया पुचलं हःपाः सिरपा त्याका नीन्याद्वः तका त्याकुगु खः।
सिरपा क्वछिनाया निंतिं नर्सिङ लाल श्रेष्ठ, दीप तुलाधर, संगीता शाक्य, जुगल डंगोल व इन्द्र व्यन्जनकार निर्णायक कथं च्वनादीगु खः ।
ज्याझ्वलय् बागमति प्रदेशया उद्योग मन्त्री रामकृष्ण चित्रकार मूपाहाँ कथं झायादीगु खःसा ख्यालिजुजु मदनकृष्ण श्रेष्ठ विशिष्ट पाहाँ कथं झायादीगु खः ।
Categorized in राष्ट्रिय