नेप्से ४४ दशमलव ३४ अङ्कं थहावन
शोभा श्रेष्ठ | यंलाथ्व षष्ठी ११४३, भाद्र ४ बिहीवाः
![](https://www.lahananews.com/sites/default/files/nepse_34.jpg)
शेयर बजः थौं थहावंगु दु। शेयर बजाः परिसूचक नेप्से थौं ४४ दशमलव ३४ अङ्कं थहावना २ हजार २९ दशमलव ७८ विन्दुइ थ्यःगु दु। थौं दकलय् अप्पो समूहया शेयर थहावंगु दु।
उकि मध्ये जलविद्युत्, फाइनान्स व विकास बैंक समूहया शेयर यक्को अङ्कं थहावंगु दु। नेशनल हाइड्रोपावर कम्पनी, दिव्यश्वरी हाइड्रो, हिमाल दोलखा हाइड्रो, थ्री स्टार हाइड्रो, मन्दाकिनी हाइड्रो, न्यादी हाइड्रो व खानीखोला हाइड्रो नापं स्वाभिमान लघुवित्तया शेयर १० प्रतिशतं थहावंगु दु।
अथेहे खुगु कम्पनीया शेयर ९ प्रतिशत स्वया अप्पो थहावंगु दु । समग्र बजाः थहावंसा थौं दकलय् अप्पो एनआईबीएल ग्रोथ फन्ड व अभियान लघुवित्तया शेयर ४ प्रतिशतं कुहावंगु दु। बजाः नापनापं कारोबार रकमय् तसकं सुधारय् वंगु दु। १ करोड १२ लाख कित्ता शेयर ३ अर्ब २९ करोड ३९ लाख रुपैयाँया कारोबार जूगु दु।
दकलय् अप्पो सन लाइफ नेपाल इन्सुरेन्स कम्पनीया २० करोड १८ लाख रुपैयाँया शेयर खरिद बिक्री जूगु दु।
Categorized in राष्ट्रिय