शेयर बजाः थौं भचा थहावंगु दु। शेयर बजाः परिसूचक नेप्से थौं १६ दशमलव २४ अङ्कं थहावना १ हजार ९ सय ८५ दशमलव ४३ विन्दुइ थ्यःगु दु।

थौं होटल व व्यापार बाहेक मेगु दक्को समूहया शेयर थहावःगु दु। जलविद्युत्, विकास बैंक व उत्पादन समूहया शेयर तसकं थहावंगु दु। दकलय् अप्पो थौं शुभम् पावर, थ्री स्टार हाइड्रो व मेन्छियाम हाइड्रोपावर कम्पनीया शेयर १० प्रतिशतं व बलेफी हाइड्रो, अभियान लघुवित्त, पिपुल्स हाइड्रो व राप्ती हाइड्रोपावर कम्पनीया शेयर ९ प्रतिशत स्वया अप्पो थहावःगु दु।

समग्र बजाः थहावंसा दकलय् अप्पो इमर्जिङ नेपाल कम्पनीया शेयर ८ प्रतिशतं कुहावंगु दु। २ सय ७२ गु कम्पनीया ४३ लाख ३६ हजार कित्ता शेयर कारोबार जूगु दु। ५० हजार २ सय पटक जूगु कारोबारपाखे १ अर्ब १७ करोड ६६ लाख रुपैयाँया शेयर कारोवार जूगु दु।

दकलये अप्पो रियायबल नेपाल लाइफ इन्सुरेन्स कम्पनीया १० करोड ६ लाख रुपैयाँया शेयर खरिद बिक्री जूगु दु।

Categorized in राष्ट्रिय