येँ महानगरपालिकां मंकाः खलःया दबूछेँ शनिवाः हस्तान्तरण याइगु जूगु दु । येँया १५ वडास्थित विजेश्वरीइ च्वंगु मंकाः खलःया थःगु हे जग्गाय् येँ महानगरपालिकां उगु दबूछेँ दना बिउगु खः ।

येँ महानगरया विद्यासुन्दर शाक्य मेयर जूगु इलय् वय्कःया हे कुतलय् मंकाः खलःया छेँ दनेत बजेटया व्यवस्था जूगु खः । आः निर्माण सम्पन्न जूगुलिं शनिवाः छगू ज्याझ्वःया दथुइ मंकाः खलःया ज्यासना पुचःयात दबूछेँ लःल्हायेत्यंगु खः ।

शनिवाः जुइगु ज्याझ्वलय् मंकाः खलःया नायः लिसें जनकवि दुर्गालाल श्रेष्ठ, येँ मनपाया उपमेयर सुनिता डंगोल व येँ मनपा १५ वडाया वडा अध्यक्ष ईश्वरमान डंगोल स्वम्हपाखें मंकाः कथं थुकिया उलेज्या याइगु खँ धाःगु दु ।

वय्कःपिंसं मंकाः खलः उलेज्याया ल्वहंपौ उलेज्या यासें दबूछेँ नं मंकाः खलःयात लःल्हानादी । थ्व झ्वलय् विजेश्वरीइ झी कवि चित्तधर हृदयं दान बिउगु लिसें मंकाः खलःपिंसं हे न्याना तःगु जग्गाय् थ्व छेँ दनेगु ज्या जूगु खः ।

थन आः नियमित रुपं कला, साहित्य सम्बन्धी ज्याझ्वःत जुइगु खँ धाःगु दु ।

Categorized in राष्ट्रिय