संविधान सभा अध्यक्ष लिसे नेकपा एमालेया उपाध्यक्ष सुवास नेम्वाङयात बिचाः हायेगु निति शीर्ष नेतापि एमाले केन्द्रीय कार्यालय च्यासलय् वःगु दु।

प्रधानमन्त्री नाप नेकपा माओवादी केन्द्रया अध्यक्ष पुष्पकमल दाहाल प्रचण्ड, नेपाली कांग्रेसया सभापति शेरबहादुर देउवा, नेकपा एकीकृत समाजवादीया अध्यक्ष माधव कुमार नेपाल लगायतया नेतापि नेम्वाङयात बिचाः हाय्कूगु दु। व स्वया न्ह्यः नेकपा एमालेया अध्यक्ष केपी शर्मा ओलीं नेम्वाङया पार्थिव शरीरय् पार्टीया ध्वाँय् तयादीगु खः।

पूर्वराष्ट्रपति विद्यादेवी भण्डारीं राष्ट्रिय ध्वाँय् तयादीगु खः। एमालें पार्टीया उपाध्यक्ष नेम्वाङ मदुगुलि स्वन्हु तक छु न औपचारिक ज्याझ्वः मयायेगु व पार्टीया ध्वाँय् स्वन्हु तक क्वछुकेगु निर्णय याःगु खः।

एमालें असोज २ गते शोक सभा यायेगु निर्णय न याःगु दु।

Categorized in राष्ट्रिय