पुजा स्वयम्भूइ च्वंगु थेरवाद दीपय् बुद्ध पुजा जूगु दु । स्वयम्भूस्थित आनन्दकुटी विहारया क्वसं च्वंगु नेपाःया थेरवाद भिक्षु अनागारिकापिनिगु अन्तिम संस्कार याइगु दीपय् वंगु बुधवाः बुद्ध पुजा याःगु खः ।

श्रद्धेय श्रद्धाचारी गुरुमांया नेतृत्वय् उगु बुद्ध पुजा जूगु खः । वंगु बुधवाः दीप व उकिया जःखः दक्वं थासय् सुचुकुचु यानाः बुद्ध पुजा याःगु खः । छुं दिं न्ह्यः थेरवाद भिक्षु, अनागारिकाया अन्त्येष्ठि याइगु दीप छचाःखेरं फोहर मुंकाः तःगु सुकुम्वासीतय्सं टहरा दयेकाः च्वनेगु यायेवं उकियात चिइकाः अन सुचुकुचु यायेगु ज्या जूगु खः ।

श्रद्धाचारी गुरुमांया हे पहलय् दीप लागा सुचुकुचु यानाः लय्पतिकं बुद्ध पुजा यायेगु क्वःछिउगु खः ।

Categorized in राष्ट्रिय