नेपाल रेडक्रस सोसाइटीया स्थापना दिवसया लसताय् गणबहाल उपशाखां हिदान ज्याझ्वः याःगु दु।

नेपालय् रेडक्रस स्थापना जूगु दिं भदौ १९ यात रेडक्रस स्थापना दिवस हनेगु झ्वलय् उपशाखाया ग्वसालय् हनुमानध्वाखाय् उगु हिदान ज्याझ्वः जूगु खः । नेपालय् रेडक्रस स्थापना जूगु ६१ दँ क्यंगु लसताय् जूगु हिदान ज्याझ्वलय् उपशाखाया आजीवन दुजःपिंत दसिपौ नं लःल्हाःगु खः ।

उगु इलय् गणबहाल उपशाखाया आजीवन दुजः जुयादीपिं डा. अनिता प्रधान, राजु नापि, रविन्द्रमुनि वज्राचार्यलिसें झिंखुम्हेसित रेडक्रसया केन्द्रीय सभापति प्रा. सुदर्शन नेपालं आजीवन सदस्यता दसिपौ लःल्हाय्गु ज्या जुगु खः।

Categorized in राष्ट्रिय