शताब्दिपुरुषया जीवनीया भिडियो आशा सफू कुथियात लःल्हात
लहनान्युज | गुंलागा अष्टमी ११४३, भदौ २१ बिहीवाः
![](https://www.lahananews.com/sites/default/files/sa_30.jpg)
वाङमय शताब्दि पुरुष सत्यमोहन जोशीयाबारे दयेकातःगु म्वाना च्वंगु इतिहास नांयागु डकुमेण्ट्री व डकुमेण्ट्री दयेकुगु इलय् मुंकुगु शताब्दि पुरुष लिसे स्वापु दूगु जीवनी ताहाकःगु श्रव्यदृश्य भिडियो आशा सफू कुथियात छगू ज्याझ्वःया दथुइ लःल्हागु दु ।
सत्यमोहन जोशी वृत्तचित्र निर्माण समितिया कजि नेपालभाषा एकेडेमीया सदस्य सचिव डा पुष्पराज राजकर्णिकारया सभाध्यक्षताय् जूगु उगु ज्याझ्वलय् नेपालभाषा एकेडेमीया भाइस चान्सलर साहित्यकार मल्ल के सुन्दर मूपाहाँ कथं झायादीगु खः ।
ज्याझ्वलय् जोशी वृत्तचित्र निर्माण समितिया छ्यान्जे शाक्य सुरेनं लसकुस न्वचु तयादीगु खःसा ज्याझ्वलय् आशा सफू कुथिया छ्यान्जे व च्वसापासाया नायः भुषणप्रसाद श्रेष्ठ व वरिष्ठ संकिपा पत्रकार विजयरत्न असंबरे विशेष पाहाँ कथं झायादीगु खः।
Categorized in राष्ट्रिय