येँ महानगरपालिका १६ या वडाध्यक्ष मुकुन्द रिजाल मन्त ।

डेंगु संक्रमित जुयाः ग्राण्डी अस्पतालय् वासः याकाच्वम्ह रिजाल थौं बिहिवा सुथय् मदुगु महानगरं न्ह्यथंगु दु । रिजाल वंगु न्यान्हू न्ह्यः जक अस्पताल भर्ना जुगु खः ।

स्वयें लः जायाः निमोनिया समस्या खनेवं भेन्टिलेटरय् तयाः वासः याःगु खः ।

वंगु स्थानीय तहया निर्वाचनय् रिजाल नेपाली कांग्रेसपाखें निर्वाचित जुगु खः ।

रिजाल नेपाली कांग्रेस क्षेत्रनम्बर ७ या सभापति नं खः ।

महानगरपालिकां राष्ट्रिय सभागृहय् थौं सुथय् ११ बजे रिजालप्रति श्रद्धाञ्जली देछाइगु जुगु दु।

वयकःयात थौं हे पशुपति आर्यघाटय् अन्त्येष्टि याइगु धका परिवार स्रोतं धाःगु दु।

मदुम्ह वडाध्यक्ष रिजालया जहान नापं निम्ह काय्पि दी।

Categorized in राष्ट्रिय