एसिया कप क्रिकेटय् बङ्गलादेशं अफगानिस्तानयात ३ सय ३५ रनया लक्ष्य बिलं
गुंलागा चौथी ११४३, भदौ १७ आईतवाः
![](https://www.lahananews.com/sites/default/files/ban-af.jpg)
एसिया कप क्रिकेटय् बङ्गलादेशं अफगानिस्तानयात ३ सय ३५ रनया विशाल लक्ष्य बिःगु दु। लाहोरया गद्दाफी स्टेडियमय् टस त्याका ब्याटिङ याःगु बङ्गलादेशं निर्धारित ५० ओभरय् ५ विकेटय् ३ सय ३४ रन दयकूगु खः ।
बङ्गलादेशया लागि मेहदी हसन मिराज व नजमुल होसेन शान्तों शतक दयकूगु खः। मिराज १ सय १२ रनय् रिटायर्ड हर्ट जुगु इलय् शान्तो १ सय ४ रनय् आउट जूगु खः। अथेहे कप्तान शाकिब अल हसनं नटआउट ३२ रन दयकूगु खः।
बलिङय् अफगानिस्तानया मुजिब उर रहमान व गुलबदिन नइबपिन्स छगू छगू विकेट काःगु खः। कासाय् ’सुपर फोर’ य् थ्यकिइगु लागि बङ्गलादेशयात थुगु कासा त्याके हे माःगु दबाबय् दु। न्हापांगु कासा बङ्गलादेश श्रीलङ्कानाप बूगु खः।
Categorized in कासा