बरिष्ठ अभिनेता सानु ताम्राकारयात आर्यघाटय् अन्त्येष्टिइयात
लहनान्युज | गुंलाथ्व एकादशी ११४३, भदौ १० आईतवाः
![](https://www.lahananews.com/sites/default/files/tamrakar_2.jpg)
बरिष्ठ अभिनेता सानु ताम्राकारयात थौं आइतवाः पशुपति आर्यघाटय् अन्त्येष्टि याःगु दु। वयकःया पार्थिव म्हय् चलचित्र कलाकार संघया ध्वाँय् तया श्रद्धाञ्जली बिःगु खः।
आइतवाः सुथय् वयकःयात श्रद्धाञ्जली देछाय्त आर्यघाटय् तःगु खः। कलाकार संघया पूर्वकार्यवाहक अध्यक्ष तक जूयादीम्ह ताम्राकारयात श्रद्धाञ्जली व दाहसंस्कारया संयोजन कलाकार संघं याःगु खः।
ताम्राकारयात श्रद्धाञ्जली बिइगु निति चलचित्र विकास बोर्डया अध्यक्ष भुवन केसीनाप यक्को कलाकारपि आर्यघाटय् उपस्थित दुगु खः।
Categorized in राष्ट्रिय