बाराया जीतपुरसिमरा उपमहानगरपालिका–२२ चुरियामाईलय् तीर्थयात्री ज्वःना वंगु बस दुर्घटना जुगुलि न्ह्यम्ह सीउगु दु।

येँपाखे महोत्तरीया लोहारपट्टी वनाच्वंगु मधेस प्रदेश–०३–००१ ख ७९९४ नम्बरया बस बुधवाः चान्ह्यः १ बजेति दुर्घटना जूगु खः।

उगु दुर्घटनाय् प्यम्ह मिसा, स्वम्ह मिजंपि, खुम्ह भारतीय नागरिक व छम्ह नेपाःमि दुगु धका इलाका प्रहरी कार्यालय सिमराया प्रहरी नायब उपरीक्षक डीएसपी प्रदीपबहादुर क्षेत्रीं जानकारी बिःगु दु।

चालकनाप २७ म्ह यात्रु च्वना वःगु उगु  बस चुरियामाई द्यःपाखे १०० मिटर दक्षिणपाखे च्वंगु खुसिइ कुतुवंगु खः। दुर्घटना जूगुलि १९ म्ह घाःपाः जूगु दु।

घाःपाः जूपिनिगु हेटौंडाया चुरेहिल अस्पताल व हेटौंडा अस्पतालय् वासः यानाच्वंगु दु। दुर्घटना जूगु बसया चालक धाःसा बिस्यू वःगु दु।

Categorized in राष्ट्रिय