राजनीतिक दलया प्रमुख सचेतकपि दथुइ निगु बुँदे सहमति
लहनान्युज | गुंलाथ्व सप्तमी ११४३, भदौ ६ बुधवाः
साउन १० गतेनिसे दिनाच्वंगु प्रतिनिधिसभाया बैठक थौनिसे सञ्चालन जुइगु दु। राष्ट्रिय मान्यता कयातःपि राजनीतिक दलया प्रमुख सचेतकपि दथुइ निगु बुँदे सहमति जुइवं संसद् सञ्चालन जुइगु निश्चित जूगु दु।
सहमति जूगु कथं सरकारं असोज ५ गते तक न्यायिक आयोग गठन याइगु जुगु दु। नेपाल प्रहरीया केन्द्रीय अनुसन्धान ब्यूरों असोज २ गते अनुसन्धान क्वचायेवं जक आयोग गठन यायेगु निर्णय याःगु खः।
कांग्रेस प्रमुख सचेतक रमेश लेखकं प्रहरीया अनुसन्धानयात प्रभाव मजुइगु कथं आयोग गठन यायेगु निति दक्को सहमत जुगु खः। असोज ५ गते आयोग गठन यायेगु व आयोगं उगु दिं निसे ज्या न्ह्याकिइ।
