स्वनिगःया थीथी नेवाः वस्तीयात सांस्कृतिक संरक्षित क्षेत्र घोषणा याकेगु अभियान न्ह्याकेगु ज्या जुयाच्वंगु दु। नेवाः मिसा दबू व नेवाः देय् दबू स्वनिगः विशेष प्रदेश समितिया मंकाः ग्वसालय् शनिवाः अभिमुखिकरण ज्याझ्वः जुगु दु।\

जलय् थीथी गुथि नापं जात्रा व परम्पारगत संस्थाय् च्वना ज्या यानाच्वनादीपिंन्त सांस्कृतिक संरक्षित क्षेत्र घोषणाया सवलायात कया थुइकेगु ज्या जूगु खः ।

उगु इलय् देय दबूया केन्द्रीय न्वकू नापं नेवाः मिसा दबूया संस्थापक नायः रश्मीला प्रजापतिं आदिवासी नेवाःतय्गु अधिकारया बारे खँ कनादीगु खः । नेपाःया संविधानंनिसें अन्तर्राष्ट्रिय कानुनया खँ तकं कनादीगु खः ।

अथे हे देय् दबू स्वनिगः विशेष प्रदेशया नायः श्रीकृष्ण महर्जनं सांस्कृतिक संरक्षित क्षेत्र घोषणा यायेमाःगु खँ नापं उकिया नितिं वनेगु लँपु व कानुन दयेकेगु नापं कार्यान्वयनया बारे कनादीगु खः।

Categorized in राष्ट्रिय