येँ महानगरपालिकाया पूर्व मेयर नाप नेकपा एमालेया केन्द्रिय सदस्य विद्यासुन्दर शाक्ययात निगु नगरपालिकया जिम्मेवारी बिःगु दु। शाक्ययात तारकेश्वर नगरपालिका व टोखा नगरपालिकाया इन्चार्ज याःगु जिम्मेवारी बिःगु दु।

एमालेया केन्द्रिय सचिवालयं वंगु साउन २९ व असार ३० गते च्वंगु बैठकया निर्णय कथं अन्तरपार्टी निर्देशन– ८ बमोजिम या जिम्मेवारी बिःगु खः।

अथेहे, पार्टीया केन्द्रिय सदस्य अजय क्रान्ति शाक्ययात स्वास्थ्यया कारण आः बियाच्वंगु जिम्मेवारीपाखे विदा बिःगु दु।

शाक्यनापं जुनेली श्रेष्ठ (मकवानपुर), पार्वती रावल (चितवन), परनसिंह दयाल (बैतडी) लगायतपिन्त विदा बिःगु दु।

Categorized in राष्ट्रिय