संसदय् जुयाच्वंगु पंगः चिइकेगु निति प्रधानमन्त्री पुष्पकमल दाहाल प्रचण्ड व सभामुख देवराज घिमिरे दथुइ सहलह जूगु दु।

थौं सुथय् बालुवाटारय् जूगु सहलहय् सभामुख घिमिरे न संसद् मचागुलि प्राकृतिक प्रकोप संम्वन्धि विषय बहस यायेमखगु धका धयादीगु खः।

सत्तापक्ष व प्रतिपक्षं गम्भीरतापूर्वक सहलह याना सहमति याना संसद् न्ह्याकेमाः धका सभामुखं प्रधानमन्त्री प्रचण्ड याःगु ध्यानाकर्षण याकूगु खः।

लिसः बिइगु झ्वलय् प्रधानमन्त्री प्रचण्डं संसद् न्ह्याकेगु विषय प्रमुख प्रतिपक्षी दल एमालेया अध्यक्ष केपी शर्मा ओलीनाप न खँ ल्ह्यायेगु जुइ धका सभामुखया निजी सचिवालयं धाःगु दु।

एमाले न तस्करी जूगु लुँ उच्चस्तरीय समिति दयका छानबिन याये माःगु माग यासे १० गतेनिसे संसद् अवरूद्ध याना वयाच्वंगु खः। सरकारं धाःसा अनुसन्धानया लागि उच्चस्तरीय समिति म्वाः धका धयावया च्वंगु खः।

Categorized in राष्ट्रिय