फोनिजं घोषणापत्र जारीयात
लहनान्युज | गुंलाथ्व पारु ११४३, सावन ३२ बिहीवाः
प्रदेश नम्बर १, मोरङया बिराटनगर महानगरपालिका ११ स्थित संगम पार्टी प्यालेसय् २०८० साउन २६ व २७ गते क्वचाःगु नेपाल आदिवासी जनजाति पत्रकार महासंघ (फोनिज), संघीय समितिया खुक्वःगु् पूर्ण बैठक व फोनिजया २४ क्वःगु स्थापना दिवस मूल समारोहपाखे जारी बिराटनगर घोषणापत्र ।
१. प्रदेश नम्बर १ या नामकरण पहिचान, ऐतिहासिक पृष्ठभूमि लगायतयात दुथ्याका ‘कोशी’ नामकरण यागुलि नेपाल आदीवासी जनजाति पत्रकार महासंघ (फोनिज) न पूर्ण असहमति याना वयाच्वनागु खः। प्रदेशया नां कोशी खारेज याना सभ्यता, संस्कृति, इतिहास व पहिचानया आधारय् ‘लिम्बुवान किरात’ नामाकरण याना थुगु बैठक जोडदार माग यायेगु जुइ । न्याय, समानता व पहिचानया लागि प्रदेश १ हाकन नामाङ्कन संयुक्त संघर्ष समितिं जारी याःगु आन्दोलनय् सदैव ऐक्यबद्धता व्यक्त यासे फोनिज प्रचारात्मक ज्याय् न्ह्यावलय् न दइगुलि प्रतिवद्धता व्यक्त यानाच्वना। नापं, प्रदेशया नां कोशी खारेजीया लागि जारी आन्दोलनया झ्वलय् मदुम्ह सहिद पदम लिम्बू (लाजेहाङ) यात बिचा हाय्कूसे सहिद परिवारयात फोनिज दुनुगलंनिसे बिचाः हाय्का च्वना । आन्दोलनया झ्वलय् ज्वनातःपिन्त याकन बिना शर्त रिहाइ, मखुगु मुद्दा खारेजी व आन्दोलनया झ्वलय् घाःपाः जूपिन्त निःशुल्क स्वास्थ्य उपचार राज्यं यायेमाःगु व घाःपाः जूपिनिगु भिंउसाँय्या कामना यानाच्वना।
२. संघ, प्रदेश व स्थानीय तह याना स्वगू हे तहया सरकारपि नाप थुगु बैठक आदिवासी जनजाति समुदायया भाषा, संस्कार, संस्कृति व पहिचानयात संरक्षण, प्रवद्र्धन व विकासया लागि नीतिगत तहपाखे सम्बोधन यायेत व याकेत माग यानाच्वना ।
३. संघीय सरकार, प्रदेश सरकार व स्थानीय सरकारपिन्स पत्रकारजन्य संस्था, सञ्चार माध्यमयात उपलब्ध याना वयाच्वंग अनुदान ग्वहालि अप्पोकेगु व पालिका सरकारं स्थानीयस्तरय् सञ्चालित सञ्चार माध्यमयात संरक्षण, प्रवद्र्धन व वृत्ति विकासया लागि विशेष ज्याझ्वः हयेत थुगु बैठक माग यानाच्वना । पहिचानया सः थ्वय्का वयाच्वंगु सञ्चार माध्यमयात लोककल्याणकारी विज्ञापन व मेमेगु सेवा सुविधाय् कडा याय्गु, क्वपालिइगु थे जाःगु ज्या तत्काल दिकेत व समावेशी व समानुपातिक कथं विज्ञापन उपलब्ध यायेत सम्बद्ध पक्षयात माग यानाच्वना ।
४. फोनिजलगायत आदिवासी जनजाति समुदायया मातृभाषां प्रकाशित जुइगु व मातृभाषां प्रसारण जुइगु सञ्चार माध्यमयात बचे यायेत विशेष प्रोत्साहनया ज्याझ्व हयेगु, मातृभाषाया पत्रपत्रिका वर्गीकरणय् विशेष सुविधा उपलब्ध यायेत थुगु बैठकं माग यानाच्वना ।
५. श्रमजीबि पत्रकारपिन्स बुखँ च्वंगु लगायत थीथी बहानाय् जुइगु हिंसा, आक्रमण, डर, धाक, धम्कीया घटना न्यूनीकरणया लागि थुगु बैठकं स्वंगुगु तहका सरकार व सम्बद्ध पक्षपिन्त ध्यानाकर्षण यानाच्वना । नापं, पहिचानया आन्दोलनया झ्वलय् बुखँ सम्प्रेषणया लागि ब्बति काइपि संचाःकःमिपिन्त निषेध यायेगु, विभेद् यायेगु व नश्लया आधारय् आन्दोलनकारी हे च्वकं ज्वनेगु, हातपात यायेगु, कुनेगु, मानसिक व शारीरिक यातना बिइगु थे जाःगु ज्या तत्काल दिकेत थुगु बैठक जोडदार माग याना च्वना ।
६. श्रमजीबि पत्रकार पिनिगु पारिश्रमिकया सम्बन्धय् व सञ्चार संस्थापिन्स कर्मचारी कटौती यायेगु इलय् यानाच्वंगु श्रम शोषण व अन्यायया अन्त्य यायेगु व तोके याना तःगु पारिश्रमिक व कानुन कथं उपलब्ध जुइमाःगु क्षतिपूर्ति तक व्यवस्थाया लागि थुगु बैठक माग यानाच्वना ।
७. सरकारी नाप निजी सञ्चार माध्यमय् नियुक्ति यायेगु इलय् आदिवासी जनजाति, मिसा, अल्पसंख्यक, सीमान्तकृत, थारु, मधेसी, दलित, मुस्लिम, ल्युउने लानाच्वंपि क्षेत्रया पत्रकारपिनिगु तक सहभागिता समावेशी समानुपातिक सिद्धान्तया आधारय् यायेत व याकेत थुगु बैठकं जोडदार माग याना च्वना ।
८. आदिवासी जनजाति पत्रकारया क्षमता अभिवृद्धिया लािग माःगु तालिम, च्वयेगु ज्याझ्वः सञ्चालन यायेत थुगु बैठकं स्वगूगु तहया सरकारपिन्त माग याना च्वना ।
९. नेपाल पत्रकार महासंघया संस्थापक सभापति सत्यनारायण बहादुर श्रेष्ठ हे जुगुलि तथ्ययात आत्मसाथ यासे थुगु बैठक नेपाल पत्रकार महासंघया संस्थापक सभापति सत्यनारायण बहादुर श्रेष्ठयात हे कायम यायेमाःगु व याकेत सम्बद्ध पक्षन्ति जोडदार माग याना च्वना ।
१०. सदस्यता सुद्धीकरण अभियानया नामय् नेपाल पत्रकार महासंघ फोनिज व गैरफोनिज सूयात न राजनीतिक आस्था, जातीय, लिङ्गीय, क्षेत्रीय आधारय् विभेद् व निषेध मयायेत व मयाकेत नाप दुजःबारे पुनरावलोकनया लागि थुगु बैठक माग यानाच्वना ।
११. मोरङ जिल्लाया ऐतिहासिक, धार्मिक, पर्यटकीय क्षेत्रया बिराटनगर याःगु बिराट दरबार, धिमाल जातिया उत्पत्ति जुगु थाय् लेटाङया राजारानी पूखु, बेलाबारीया कसेनीस्थित आदिवासीपिनिगु आस्थाया केन्द्र धनपाल गढी दरबार, कानेपोखरी ७ या कानेपोखरी, सुन्दर हरैचास्थित खोर्सानेय् दुगु धिमालपिनिगु पवित्रस्थल बाघझोडा सिमसार क्षेत्र, पथरी शनिस्चरेस्थित याक्थुङ लिम्बूसपिनिगु सिरिजङ्गा स्मृति धार्मिक वन, आदिवासी धिमाल, थारु, राजवंशी, गनगाई, ताजपुरिया, सन्थाललगायतया महाराजथान, ग्रामथान, किरात राई समुदायया साकेला थानया संरक्षण, सम्बर्धनका लागि थुगु बैठक जोडदार माग याना च्वना । नापं, प्रदेश नम्बर १ या दक्को धार्मिक, सांस्कृति, वन सम्पदा, जैविक विविधता, पर्यटकीय सिमसार क्षेत्रया संरक्षण, सम्बर्धन व प्रवद्र्धन यासे आन्तरिक व बाह्य पर्यटनया विकासया लागि स्वगू हे तहया सरकारपि नाप थुगु बैठक जोडदार माग याना च्वना ।
१२. तामाङ, मगर व मुस्लिम समुदायया ब्याहाया संस्कार सम्बन्धय् अधिवक्ता भगवती पाण्डे न समुदाययात हे अपराधी करार धइगु आसय बिइगुलि सिर्जित विवाद व निजयात कानुनी कारबाहीया माग यासे येँ प्रहरी परिसर टेकुइ याना च्वंगु शान्तिपूर्ण प्रदर्शनया झ्वलय् प्रहरीं प्रदर्शनकारीपिन्त याःगु अमानवीय व्यवहार, नियन्त्रणय् कया ल्हाः तयेगु ज्या याःगु घटनाया सम्बन्धय् थुगु बैठकं गम्भीर ध्यानाकर्षण जूगु दु। शन्तिपूर्ण प्रदर्शनय् सहभागी प्रदर्शनकारीपिन्त शक्तिया दुरुपयोग याना निर्ममतापूर्वक ल्हाः तयेगु ज्यायापि प्रहरी कर्मचारीपिन्त तक कानुन कथं कारबाहीया माग थुगु बैठकं यानाच्वना । दक्को समुदाययात हे अपराधी करार यासे पाण्डेयात कानुन कथं कारबाही यायेत थुगु बैठकं माग यानाच्वना । नापं, प्रदर्शनया झ्वलय् घाःपाः जूम्ह फोनिज यल शाखाया दुजः गोलखबर डटकमय् आबद्ध शान्ति घर्तीमगर लगायत मेमेपि घाःपाः जूपिनिगु भिं उसाँय्या कामना यानाच्वना । पहिचानया लागि ताम्सालिङ संयुक्त संघर्ष समितिं यानाच्वंगु आन्दोलनप्रति फोनिज ऐक्यबद्धता यानाच्वना ।
१३. फोनिजया खुक्वःगु पूर्ण बैठक ताःलकेत मूपाहाँ कथं झायादीम्ह संघीय मामिला लिसे सामान्य प्रशासन मन्त्री अमनलाल मोदी, प्रदेश १ पुनः नामाङ्कन संयुक्त संघर्ष समितिया नेता प्रेम येक्तेन, फोनिज संघीय समितिया सल्लाहकारपि, नेपाल पत्रकार महासंघ, पत्रकारपिनिगु थीथी संगठनया नेतापि, फोनिजया थीथी तहया पदाधिकारी व सदस्यपि, बैठक व्यवस्थापनया जिम्मेवारी निर्वाह याःगु फोनिज प्रदेश नम्बर १ समिति, निःशुल्क स्वास्थ्य शिविर (सुगर, प्रेसर) या सुविधा उपलब्ध याकूगु जनरल हस्पिटल एण्ड ट्रमा सेन्टर प्रा.लि. व समन्वय यानादीर्पि फोनिज मोरङ शाखा लगायत सकसित थुगु बैठक सुभाय् देछाना च्वना।
घोषणापत्र मस्यौदा समिति
१. कमन देवान संयोजक
२. भक्तशेर लिम्बू सदस्य
३. सुजाता लिम्बू सदस्य
४. दिनेश सुब्बा सदस्य
Categorized in राष्ट्रिय
