त्रिभुवन अन्तर्राष्ट्रिय विमानस्थल भन्सार कार्यालय पिने बरामद याःगु लुँ नायेकूगु इलय् ६० किलो ७१६ ग्राम जक खने दुगु दु।

नेपाल राष्ट्र बैंकया टक्सार महाशाखाया प्रमुख थानेश्वर आचार्यया कथं ब्रेक शु छुटे याना लुँ नायेकूगुलि ६० किलो ७१६ ग्राम जक दुगु खः। लुँ नायेके न्ह्यः ६० किलो ७८९ ग्राम दुगु खः।

लुँ ७३ ग्राम कम खनेदुगु दु। राजस्व अनुसन्धान विभागं साउन ३ गते सिनामंगलय् लुँ नाप १५५ किलो ‘ब्रेक शु’ बरामद याःगु खः। मोटरसाइकल व स्कुटरया ब्रेक शु दुने लुँ सूचुका हगू खः।

Categorized in राष्ट्रिय