जनमत पार्टीया सांसद अनिता देवी साहं मन्त्री पदया शपथग्रहण याःगु दु। शाहयात राष्ट्रपति रामचन्द्र पौडेलं शितल निवासय् शपथ ग्रहण याकूगु खः।

शाह संघीय मामिला लिसे सामान्य प्रशासन मन्त्रालयया जिम्मेवारी बिःगु दु। शपथग्रहण समारोहय् उपराष्ट्रपति रामसहाय प्रसाद यादव, प्रधानमन्त्री पुष्पकमल दाहाल प्रचण्ड, सभामुख देवराज घिमिरे, राष्ट्रियसभा अध्यक्ष गणेश प्रसाद तिमिल्सिना लगायतपिनिगु सहभागी दुगु खः।

थ्व स्वया न्ह्यःयाम्ह सामान्य प्रशासन मन्त्री माओवादी केन्द्रया अमनलाल मोदी खः। जनमत पार्टीयात सरकारय् सहभागी यायेगु निति मोदीयात माओवादी केन्द्रं आइतवाः सरकारपाखे लित सःतूगु खः। थ्व स्वया न्ह्यः न जनमतया छम्ह मन्त्री सरकारय् सहभागी दुगु खः।

जनमतया अब्दुल खानयात प्रधानमन्त्री प्रचण्डं खानेपानी मन्त्रालयया जिम्मेवारी बिःगु खः। तर चित्तबुझे मजुगुलि जनमत सरकारं पिहावःगु खः।

Categorized in राष्ट्रिय