टक्सार महाशाखाय् लुँ लनिइगु ज्या सुरु
लहनान्युज | अनलागा त्रयोदशी ११४३, सावन २९ सोमवाः
![](https://www.lahananews.com/sites/default/files/llu_1.jpg)
त्रिभुवन अन्तर्राष्ट्रिय विमानस्थल भन्सार कार्यालयपिने बरामद यागु लुँ नेपाल राष्ट्र बैंकया टक्सार महाशाखाय् लनिइगु ज्या जुगु दु।
महाशाखाया प्रमुख थानेश्वर आचार्यं केन्द्रीय अनुसन्धान ब्यूरो सीआईबी न लुँ लनिइगु निति इनाप याःगु पौ थःत वये धुकुगुलि लुँ लनिइगु ज्या जुगु दु ुधका जानकारी बिःगु दु।
वयकःया कथं टक्सारय् सामान चायेका लुँ छुटे यायेगु व वयालिपा गालेयाना प्रक्रिया सुरु जुइ। राजश्व अनुसन्धान विभागं साउन ३ गते सिनामंगलय् लुँ नापं १५५ किलो ‘ब्रेक शु’ बरामद याःगु खः ।
मोटरसाइकल व स्कुर ब्रेक शु दुने उगु लुँ सूचुका हःगु खः। लुँ छुटे याये लनिइगु निति छन्हु क्वचाइ, वया लिपा गुणस्तर जाँचया लागि थप स्वन्हु काइ धका वयकलं धाःगु दु।
सीआईबी, राजश्व, नेपाल राष्ट्र बैंक व टक्सार कार्यालयया प्रतिनिधिपिनिगु रोहबरय् लुँ गालेयाइगु व लनेगु ज्या जुइ।
Categorized in राष्ट्रिय