त्यंगः त्वाः मिसा पुचःया दँमुँज्या क्वचाल
लहनान्युज | अनलाथ्व चतुर्दशी ११४३, सावन १६ मंगलवाः
![](https://www.lahananews.com/sites/default/files/tanga.jpg)
त्यंगः त्वाः मिसा पुचःया दँमुँज्या क्वचाःगु दु। त्यंगः त्वाः खलः गणेद्यः गुथि अन्तर्गतया पुचःया दँुमुँज्याया उलेज्या मूपाहां त्यंगः त्वाः नायः धनबहादुर तिमिलां त्वाःदेवाय् मत च्याकाः यानादीगु खः ।
पुचःया नायः नानीहिरा महर्जनया सभाध्यक्षताय् जुगु उगु ज्याझ्वलय् पुचःया लिउ छ्याञ्जे सुमित्रा महर्जनं वार्षिक प्रगति विवरण व दांभरिं मैयाँ महर्जनं आर्थिक विवरण न्ह्यब्वयादीगु खः ।
अथे उगु ज्याझ्वलय् मिसा पुचलं थीथी इलय् याःगु ज्याझ्वःयात ग्वाहालि यानादीपिं नानीकाजी महर्जन, बालकृष्ण महर्जन, मणिकन्ठ महर्जन, पुष्प महर्जन व राजीव डंगोलयात हनेज्या नं याःगु खः ।
उगु ज्याझ्वलय् त्यंगः त्वाःया न्याम्ह थाकुलि छसिकथं तीर्थनारायण महर्जन, देवनारायण महर्जन, कृष्णनारायण महर्जन, पंचनारायण महर्जन व तिर्थ महर्जनलिसें त्वाः गुरु धर्मरत्न महर्जन, खलःया निवर्तमान नायः कुलबहादुर महर्जन, त्यंगः त्वाः ल्याय्म्ह पुचःया नायः राजीव डंगोल पाहांकथं झायादीगु खः ।
Categorized in राष्ट्रिय