डेंगुया कारणं धरानय् च्याम्ह मनूत सीधुंकूगु दु। अथेहे आःतक २ हजार ३५३ म्ह डेंगु सक्रमण जूया च्वंगु दु ।

धरान उपमहानगरपालिकाया जनस्वास्थ्य अधिकृत उमेश मेहताया कथं ३ हजार ९८१ म्हेसिगु परीक्षण याःगुलि २ हजार ३५३ म्ह डेंगु संक्रमित खनेदूगु धका जानकारी ब्यूगु दु।

वयकःया कथं परीक्षण याःपिंमध्ये ५९ प्रतिशतय् डेंगु खनेदूगु खः । अथेहे, धरानया ११, १५, १७ व १८ नम्बर वडा अप्वः प्रभावित जूगु दु ।

बीपी कोइराला स्वास्थ्य विज्ञान प्रतिष्ठान धरानय् १५० म्हतक न्ह्यनेगु कथं डेंगुया ब्यागलं वार्ड संचालन याःगु दु । बीपीइ डेंगुया नितिं ब्यागलं क्लिनिक नं संचालन याःगु दु ।

Categorized in राष्ट्रिय