येँ महानगरपालिका वडा नं १६ ल्हुति (बालाजु) ऐतिहासिक, धार्मिक नाप सांस्कृतिक क्षेत्र बाइसधारा स्थित धार्मिक महत्व जाःगु देगः नाप सस्कृति स्वागू सत्तलय् येँ महानगरं सांस्कृतिक अतिक्रमण व भ्रष्टाचार याःगु धासे अनच्वपिन्स बिरोध याःगु दु।

बालाजु बाइसधारा संरक्षण संघर्ष समिती, नागरिक समाजया इनापय् स्थानीय समुदायपिन्स थौं महानगरं संचालन याना वयाच्वंगु बाजाजु उद्यानय् दुहावनेगु लुँखाय् प्लेकार्ड ज्वना धर्ना बिउसे प्रदर्शन याःगु दु।

स्थानीय नाप सामाजिक अभियन्ता रबिन्द्र कुमार श्रेष्ठ धाःगु दु ‘महानगरं संचालन याःगु उद्यानय् झगु पुर्खापिन्स न्ह्याका वयाच्वंगु धर्म, सस्कृतिइ तःपिकं हस्तछेप याःगु दु, न्हापा देगः नाप सत्तलय् वनेत पार्कं वनेम्वाः। आः धाःसा पार्क जूया द्यःया थाय् वनेमाःकुगु दु।

पार्कं थःगु अनुकुल (बहनि ६ बजे लिपा) गेटय् ताल्वं ग्वया अनया धर्म सस्कृतिइ अतिक्रमण याःगु दु। महानगर प्रमुख बालेनयात खँ ल्हाना न नापलाये चाहे मजू धका धाःगु दु। तर महानगरं थुकिया हस्तक्षेप याःगुलि, शान्ति पूर्ण आन्दोलन स्वरूप न्हापागु चरणय् धर्ना च्वनेगु ज्या जुगु खः। 

Categorized in राष्ट्रिय