ख्यालिजुजु मदनकृष्ण श्रेष्ठ व गंगाबहादुर मालीं च्वयादीगु लोक लसय् आधारित ‘ज्वरा ज्वरा पर्सि’ म्ये छगु ज्याझ्वः दथुइ हरिवंश आचार्यं पितब्बज्या यानादीगु खः।

ख्यालिजुजु श्रेष्ठलिसें रोजी डंगोल श्रेष्ठ व सरीता शाहीं हालादीगु म्ये हालादिगु खः। उगु ज्याझ्वलय् प्रकाश सायमि विशेष पाहाँ व सिने पत्रकार विजयरत्न असंबरे पाहाँ कथं झायादिगु खः।

गोपालकृष्ण महर्जनया सभाध्यक्षताय् जूगु उगु ज्याझ्वलय् म्येहालामि रोजी डंगोल श्रेष्ठं लसकुस यानादिगु खः।

उगु म्युजिक भिडियोया निर्देेशक रामकृष्ण खडगी यानादीगु खःसा छायांकन लुजः सिंह, सम्पादन बालकृष्ण बंशी, म्यूजिक भिडियोया कलरिङ संजीवरत्न शाक्य, हरिशरण सायमिं रेकर्डिङ यानादीगु लोक लयया थ्व म्येया निंतिं जिवित जल्मीं बाजं ग्वसाः ग्वयादीगु खः ।

म्यूजिक भिडियोय् मदनकृष्ण श्रेष्ठ, बसुन्धरा भुषाल व सूर्यमाला शर्मा खनालपिन्सं अभिनय् यानादीगु खः।

Categorized in मनोरन्जन