सामाखुशीइ छम्ह मचायात खुसिइ चुइका यकल
लहनान्युज | अनलाथ्व पंचमी ११४३, साउन ७ आईतवाः
सामाखुशी बाहा व छम्ह मचा बेपत्ता जूगु दु।
सामाखुशी च्वना च्वम्ह पानीपोखरीया भानुभक्त मेमोरियल स्कुलय् ६ कक्षाय् ब्बनाच्वम्ह १३ दँ दुम्ह साजन मगर बेपत्ता जूगु दु धका जिल्ला प्रहरी परिसर काठमाडौया डीएसपी अनिल अधिकारीं जानकारी बिःगु दु।
स्कूलं लिहावया च्वम्हेसित खुसिइ चुइका यकूगु खः। खुसिइ चुइका यकूगु सूचं वयेवं नेपाल प्रहरीया गोंगबुस्थित प्रभाग, महाराजगञ्ज बृत्त, नेपाल प्रहरी व सशस्त्र प्रहरीया विपद व्यवस्थापनय् खटे जूगु टोलीपिन्स मालेगु ज्या जूगु दु।
तर आइतवाः तक न मचा लुगु मदुनि धका डीएसपी अधिकारीं जानकारी बिःगु दु।
Categorized in राष्ट्रिय
