लुँ ज्वना वंगु ट्याक्सी विभागया नियन्त्रणय्
लहनान्युज | अनलाथ्व तृतीया ११४३, साउन ४ बिहीवाः
![](https://www.lahananews.com/sites/default/files/gold2_70.jpg)
राजश्व अनुसन्धान विभागं म्हिगः बुधवाः सिनामंगलय् बरामद याःगु लुँ ज्वना वःगु ट्याक्सी विमानस्थल हे पिहा वये धुकुगु खः।
विभागया महानिर्देशकया कथं म्हिगः न्हिनय् २ बजे भन्सार जाँच पास जुइ धुका पिहावःगु लुँ ज्वना वःगु ट्याक्सीइ बरामद यानागु धका विभागं धाःगु दु।
विभागं लुँ ज्वना वःगु बा २ ज २३२४ नम्बरया ट्याक्सी व चालकयात न नियन्त्रणय् काये धुकुगु दु। हङकङं येँ वःगु क्याथे एयरलाइन्सया विमानया कार्गों लुँ ज्वना वःगु खः।
मोटरसाइकल व स्कुटरया ब्रेक शु दुने लुँ तया हःगु धका विभागया महानिर्देशक ढुंगाना धाःगु दु। लुँ सूयागु खः ज गन यके त्यःगु खः धका अनुसन्धान जूयाच्वंगु दु धका विभागं धाःगु दु।
Categorized in राष्ट्रिय