मानबहादुर श्रेष्ठ राष्ट्रिय भलिबल टिमय् न्हुम्ह कप्तान
लहनान्युज | अनलाथ्व ११४३, साउन २ मंगलवाः
![](https://www.lahananews.com/sites/default/files/man_9.jpg)
मानबहादुर श्रेष्ठ नेपाल पुरुष राष्ट्रिय भलिबल टिमय् न्हुम्ह कप्तानय् नियुक्त जूगु दु।
म्हिगः सोमवाः च्वंगु नेपाल भलिबल संघया कार्यसमिति बैठकं त्रिभुवन आर्मी क्लबया स्पाइकर मान बहादुरयात कप्तान नियुक्त यायेगु निर्णय याःगु खः। सन् २०१५ निसे नेपाःया राष्ट्रिय टिमय् म्हिता वयाच्वंम्ह मानबहादुरं नेपालं म्हितूगु न्यागु सेन्ट्रल जोन भलिबल व काभा नेसन्स लिग म्हित्य धुकुम्ह खः।
नेपालं २०१७ य् माल्दिभ्सय् सेनट्रल जोनय् कांस्य पदक त्याकगु इलय् मानबहादुरं बेस्ट आउटसाइड सेकेण्ड अट्याकरया अवार्ड त्याकूगु खः।
Categorized in कासा