नुवाकोटया ककनी व धादिङया धुनीबेंसीइ च्वपिन्स येँ न हइगु फोहोर वान्छेयेगुलि रोके याःगु दु।

थ्व स्वया न्ह्यः सरकार व येँ महानगरनाप जूगु सहमति दँच्छि दये धुकुगुसा कार्यान्वयन मजूगु धका स्थानीयपिन्स फोहोर वान्छ्यत रोके याःगु दु ।

थौं सुथय् फोहोर ज्वना वःगु ल्याण्डफिल्ड साइटय् वनाच्वंगु गाडी स्थानीयपिन्स अवरोध यःगु कारण बन्चरेडाँडा व सिसडोलया दथुइ रोके याःगु खः।

फोहोर ज्वना वःगु ५० गः गाडी स्थानीयपिन्स रोके याःगु धका येँ महानगरपालिकाया ल्याण्डफिल्ड साइट इन्चार्ज सरकारदीप श्रेष्ठं जानकारी बिःगु दु।

स्थानीयपिन्स सहमतिया नामय् थःपिन्त पटक–पटक ध्वं लाःगु धका द्धपः बिगु दु।

Categorized in राष्ट्रिय