नेपाल आयल निगमं पेट्रोलिपय पदार्थया भाः स्वचालित मूल्य प्रणाली लागू यायेगु निर्णय याःगु दु।

निगम सञ्चालक समितिं थौं आइतवाः चान्ह्यःनिसे लागू जुइगु कथं स्वचालित मूल्य प्रणाली लागू यायेगु निर्णय याःगु दु। थुगु प्रणाली कथं निगमं डिजेलय् नितका व पेट्रोलय् २.५ प्रतिशत नाफा तया भाः क्वछिइगु याइ ।

अथेहे एलपी ग्याँसया भाः निगमं नाफा मकायेगु निर्णय याःगु दु। निगमया कथं थुगु पटक पेट्रोल, डिजेल, मचिकं व एलपी ग्याँसया भाः कुहावःगु दु। पेट्रोल लिटरं खुतका, डिजेल व मचिकनय् प्यतका प्यतका कुहावःगु दु सा ग्याँस सिलिण्डरय् झीतका कुहावःगु दु।

आः स्वनिगलय् पेट्रोल लिटरं १६४ रुपैयाँ जुइगु दु सा तराईया जिल्लाय् १६१ रुपैयाँ ५० पैसा व भित्री मधेशय् १६३ रुपैयाँ भाः क्वछिगु दु। हवाई इन्धनय् धाःसा स्वचालित भाः लागु जुइ मखुनि।

Categorized in राष्ट्रिय