प्रधानमन्त्री पुष्पकमल दाहाल प्रचण्डया जहान सीता दाहाल मन्त। वयकः थौं सुथय् नर्भिक अस्पतालय् मदुगु खः।

प्रधानमन्त्री प्रचण्डया निजी चिकित्सक प्रा. डा. युवराज शर्मां थौं सुथय् ८ः३३ बजे सीता दाहाल मदुगु धका जानकारी बिःगु खः। पार्किन्सनया समस्या नाप ‘प्रोग्रेसिभ सुपरान्युक्लियर पाल्सी (पी.एस.पी.)’ पाखे न पीडित जुया च्वःगु खः।

आः दाहालयात हृदयाघात जुगु धका धाःगु दु। स्वास्थ्य अवस्था गम्भीर जुइवं थौं सुथय् ८ बजे अस्पतालय् यकूगु खः। आकस्मिक कक्षय् सीपीआर लगायतया विधिपाखे उपचार याःगु खः ।

अय्न सुधार मजुइवं सुथय् ८ बजे जुया ३३ मिनेटय् मदुगु घोषणा याना अस्पतालं पत्रकार सम्मेलन याना जानकारी बिःगु खः।

Categorized in राष्ट्रिय