राष्ट्रिय स्वतन्त्र पार्टीया सभापति रवि लामिछाने न संसद स्वंगु दलं बन्धक दयके ज्यू लाः धका न्ह्यसः तःगु दु। जनताया मुद्दा यथावत त्वताः नेतापिनिगु स्वार्थय् संसद रोके याये मज्यू धका आपत्ति प्वकूगु खः।

थौं प्रतिनिधिसभाय् ई कया न्ववायेगु झ्वलय् धाःगु दु, ‘थ्व संसद स्वंगु दलं बन्धक दयके ज्यु ला ? उमिसं छु यात व हे खःला ? मेपि माननीयपि सू मखु ला ?’ संसदय् थीथी कानुन विचाराधीन अवस्थाय् दु धका धासे सभापति लामिछाने न उगु कानुनय् छलफल यायेत नेताया स्वार्थय् संसदयात बन्धक दयकुगु धका धाःगु खः।

‘शीर्ष नेतापिनिगु मुड मन्तकि थुगु सदन दिउगु खःला ?’ लामिछाने न न्ह्यसः तःगु दु, ‘जनताया मुद्दाय् संसद रोके जूसा रोके जुइमाः। नेताया स्वार्थय् संसद दिउगु जिमित स्वीकार मदु।’

Categorized in राष्ट्रिय