नेप्से २८ दशमलव ३८ अङ्कं थहावन
क्षितिज श्रेष्ठ | दिल्लागा सप्तमी ११४३, असार २४ आईतवाः
![](https://www.lahananews.com/sites/default/files/stock_17.jpg)
शेयर बजाः वाःया न्हापागु दिं निगु अङ्कं थहावःगु दु। शेयर बजाः परिसूचक नेप्से थौं आइतवाः २८ दशमलव ३८ अङ्कं थहावना २ हजार ७७ दशमलव ७६ विन्दुइ थ्यःगु दु।
थौं दक्को समूहया शेयर सामान्य थहावःगु दु। रावा इनर्जी कम्पनीया शेयर थौं १० प्रतिशत व सिटी होटलया शेयर साढे ९ प्रतिशतं थहावःगु दु।
समग बजाः थहावंसा थौं दकलय् अप्पो माथिल्लो तामाकोसी जलविद्युत् कम्पनीया शेयर साढे ६ प्रतिशत व बीपीडब्ल्यू लघुवित्तया शेयर साढे ४ प्रतिशत कुहावःगु दु।
२८७ गु कम्पनीया शेयर ८३ लाख ५२ हजार कित्ता शेयर ३ अर्ब ४ करोड २५ लाख रुपैयाँया कारोबार जूगु दु।
दकलय् अप्पो हिमालयन लाइफ इन्सुरेन्सया १८ करोड ६० लाख रुपैयाँया शेयर कारोबार जूगु खः।
Categorized in राष्ट्रिय