नक्कली भुटानी शरणार्थी प्रकरणय् नेपाली कांग्रेसया केन्द्रीय सदस्य नाप सांसद डा. आरजु राणा देउवाया नां कयातःगु अडियो सन्देश शर्माया सः नाप ज्व लाःगु दु।

नक्कली भुटानी शरणार्थी प्रकरणय् ज्वना तःम्ह दाङया शर्मा ठगी नाप संगठित अपराध कसूर मुद्दाय् अनुसन्धानया लागि कुनातम्ह खः। राणां थःगु नां स्वाना फेक अडियो सार्वजनिक याःगु धासे छानबिन याना दोषीयात कारबाही यायेत माग यासे नेपाल प्रहरीया साइबर ब्यूरोय् निवेदन बिःगु खः।

उगु निवेदनय् अनुसन्धान यासे उगु अडियो शर्माया सः नाप मिले जूगु व उगु अडियो टिकटकय् न्हापां सू नां तःगु धका टिकटक सिंगापुरयात जानकारी फ्वनागु दु धका नेपाल प्रहरीया प्रवक्ता कुवेर कडायतं जानकारी बिःगु दु। आरजुं छु सञ्चार माध्यम व सामाजिक सञ्जालय् सार्वजनिक जूगु उगु फेक अडियो बदनियत पूर्ण ढंगं थःत बदनाम यायेगु उद्देश्यं नियोजित कथं रेकर्ड याःगु धासे कारबाहीया दायराय् हयेत माग याःगु खः।

Categorized in राष्ट्रिय