सत्ता पक्षया चुनौती स्वीकार दु, एमालेया अध्यक्ष केपी शर्मा ओली
लहनान्युज | दिल्लागा चतुर्थी ११४३, असार २२ शुक्रवाः
![](https://www.lahananews.com/sites/default/files/uml-oli-a.jpg)
नेकपा एमालेया अध्यक्ष केपी शर्मा ओलीं सत्ता पक्षया चुनौती स्वीकार दु धका धयादीगु दु। वंगु सोमवाः छगु सफू ज्याझ्वलय् न्ववागुलि एमालें प्रधानमन्त्री पुष्पकमल दाहाल प्रचण्डया राजीनामा फ्वना संसद अवरुद्ध याना वयाच्वंगु खः।
सत्ता गठबन्धनं धासा राजीनामा फ्वंगु एमालेया पलाः हे असंवैधानिक जूगु ठहर यासे संसद फेस यायेगु निर्णय याःगु दु।
थौं शुक्रवाः स्ववियू काउन्सिलया बैठकय् एमाले अध्यक्ष ओलीं सत्ता पक्षं वार्ता सम्वाद यायेगु स्वया संसदये सामना यायेगु धका धाःगु खः। ‘म्हिगः सुथय् गठबन्धनया बैठक च्वन नाप उमिसं मसल क्यना आह्वान यागु दु पार्लियामेन्टय् नाप लाय्’ वयकलं धयादीगु दु, ‘आः प्रतिपक्षं छु यायेगु? नापलायेगु धाःगु पाय्छी हे खः।’
Categorized in राजनीति