नेपाली कांग्रेस नेता डा.शेखर कोइरालां प्रधानमन्त्री पुष्पकमल दाहालं प्रितम सिंहया सफू विमोचन यायेगु ज्याझ्वलय् न्ववागु गलत खः धका धाःगु दु।

प्रधानमन्त्रीं न्ववाःगुलि जनताया नुगलय् घाः जुगु धका धाःगु खः। थौं शुक्रवाः विराटनगर विमानस्थलय् पत्रकारपि नाप खँ ल्ह्यायेगु झ्वलय् नेता कोइरालां धाःगु दु, ‘प्रधानमन्त्रीं बिःगु उगु अभिव्यक्तिं संसदया गरिमा व नेपाली जनताया नुगलय् घाः लाःगु दु।’

वंगु असार १८ गते छगु ज्याझ्वलय् प्रचण्डं थःत प्रधानमन्त्री दयकेगु निति सरदार प्रितम सिंह पटक–पटक दिल्ली वंगु खः धका धाःगु खः। उगु अभिव्यक्तियात कया प्रमुख प्रतिपक्षी दल नेकपा एमाले लगायतपिन्स विरोध याःगु खः। 

Categorized in राष्ट्रिय