अभिधम्म पाठ क्वचाल
लहनान्युज | दिल्लागा द्धितीया ११४३, असार २० बुधवाः
![](https://www.lahananews.com/sites/default/files/dhamawati_0.jpg)
सासनधज धम्माचरिय अग्गमहाग्थकवाचक धम्मवती गुरुमांया ९० दँ बुदिंया लसताय् धर्मकीर्ति विहारय् वाःयक अभिधम्म पाठ यायगु ज्याझ्वः थौं क्वचाःगु दु।
थुगु ज्याझ्वलय् थीथी विहारय् विराजमान जुया विज्यापिं भन्ते गुरुमाजुपिन्सं अभिधम्म पाठ याना बिज्यागु खः ।
लामा भिक्षुपिं व बज्राचार्य गुरुपिं गुरुमापिन्सं श्रद्धेय धम्मावति गुरुमांया ताःआयु, भिं उसाँय् या कामना यासें गुरु प्रा.डा. नरेशमान बज्राचार्यया नेतृत्वय् अपरिमित पाठ, भद्रचरी पाठ व गुरुपाखें धर्मदेशना याना बिज्यागु खः ।
नापं वसपोलं धर्मदेशना यायगु झ्वलय् छपु बाखं नं कना बिज्यागु खः । अथेहे अभिधम्म पाठ यायगु झ्वलय् आपालं उपासक उपासिकापिं नं उपस्थित जुया पाठ यानादीगु दु।
Categorized in राष्ट्रिय