शेयर बजाः परिसूचक नेप्से थौं ५३ दशमलव ७० अङ्कं कुहावःगु दु। वःगु बुधवाः ३५ दशमलव ३७ अङ्कं कुहवःगु नेप्से थौं न यक्को हे अङ्कं घटे जूगु दु।

नेप्से २ हजार ९७ दशमलव २९ बिन्दुइ कुहावःगु दु। थौं दक्को समूहया शेयर घटे जूगुलि माइक्रो फाइनान्स, विकास बैंक व जलविद्युत् समूहया शेयर ३ प्रतिशत स्वया अप्पो कुहावःगु दु।

थौं २८६ गु कम्पनीया १ करोड १३ लाख कित्ता शेयर कारोबार जूगु दु। ५ अर्ब ८ करोड १९ लाख रुपैयाँया शेयर कारोवार जूगु दु। दकलय् अप्पो हिमालयन लाइफ इन्स्योरेन्सया ४२ करोड ५६ लाख रुपैयाँया शेयर कारोबार जूगु दु।

२०७ गु कम्पनीया शेयर कुहावलि सृजनशील लघुवित्त व माउन्टेन इनर्जीया शेयर ९ प्रतिशत स्वया अप्पो कुहावःगु दु। समग्र बजाः कुहावंसा बीपी डब्लू लघुवित्त व सिटी होटलया शेयर १० प्रतिशतं थहावःगु दु।

Categorized in राष्ट्रिय