पत्रकार दबूया निक्वःगु पुर्ण बैठक क्वचाल
लहनान्युज | दिल्लाथ्व एकादशी ११४३, असार १४ बिहीवाः
नेवाः पत्रकार राष्ट्रिय दबूया निक्वःगु पुर्ण बैठक यलय् क्वचाःगु दु। उगु बैठकय् पत्रकार दबूया महासचिव केके मानन्धरं आःतक जुगु ज्याझ्वःया प्रतिवेदन व दांभरि बाबुकाजि श्रेष्ठं आर्थिक प्रतिबेदन न्ह्यब्वयादीगु खः।
निक्वःगु पुर्ण बैठकय् नायः नृपेन्द्रलाल श्रेष्ठ आःतक जुगु ज्याझ्वः भावि योजना न्ह्यब्बयादीगु खः। बैठकय् मातृभाषा शताब्दी दिवस तःजिक हनेगु कथं क्वछिगु दु।
अथेहे पत्रकार दबू न ६५ दँ दुपि व नीदँनिसे मातृभाषा पत्रिकाय् मदिक्क ज्या याना च्वपिन्त न सामाजिक भत्ता बिइगु बिषय सहलह न जूगु दु।
धर्मादित्य निसे थौं तक पत्रकारिता याना च्वपि पत्रकारपिनिगु म्हसिका पिकायगु सर्वसम्मत निर्णय जूगु दु।
नाप संगठन बिस्तार याना याकन हे प्रदेश कमिति दयेकगु निति ज्या जुयाच्वंगु दु धका संगठन बिभागया प्रमुख नाप न्वकु सुरेन्द्रभक्त श्रेष्ठं धयादीगु खः।
अथेहे थी थी बिभागय् ल्यःदुपि सदस्यपिन्त याकने हे पुर्णता बिइगु न क्वजिगु दु।
