उच्च अदालत यलं येँया फिल्म हलय् भारतीय फिल्म क्यनेत रोके मयायेत अल्पकालीन अन्तरिम आदेश जारी याःग दु ।

नेपाल चलचित्र संघं दायर याःगु रिटय् बिहीवाः सुनुवाइयासे न्यायाधीश धिरबहादुर चन्दया एकल इजलासं भारतीय फिल्मलगायत सेन्सर बोर्डं अनुमति बिःगु फिल्म प्रदर्शन यायेत रोके मयायेत अल्पकालीन अन्तरिम आदेश जारी याःगु दु।

चलचित्र संघया कानुन व्यवसायी जयलाल भण्डारीया कथं थुगु विषय अन्तरिम आदेश छलफलया लागि अदालतं १२ असारय् निगु हे पक्षयात सःतूगु खः। भारतीय चलचित्र आदिपुरुषय् जानकी भारतीय म्ह्याय् धइगु संवाद मचिइकुतले येँं महानगरपालिकाया मेयर बालेन शाहं वंगु सोमवाःनिसे भारतीय चलचित्र प्रदर्शनय् रोके याःगु खः।

बालेनया उगु निर्णयविरुद्ध चलचित्र संघ अदालतय् वःगु खः।

Categorized in राष्ट्रिय