भारतीय फिल्मय् रोके यायेगु येँ महानगरपालिकाया निर्णयविरुद्ध मुद्दा न्यायाधीश धीरबहादुर चन्दया एकल इजलासय् लाःगु दु।

चलचित्र संघया पाखे प्रीतम घिमिरें येँ महानगरविरुद्ध बिहीवाः उच्च अदालत पाटनय् निषेधाज्ञा आदेश माग यासे रिट दायर याःगु खः। संघया पाखे कानुन व्यवसायी जयलाल भण्डारीं थुगु मुद्दाय् थौं हे आदेश वइगु सम्भावना दु धका धाःगु दु।

वयकःया कथं थुगु मुद्दाय् मेयर बालेन शाह, नगर प्रहरी, गृह मन्त्रालय व सञ्चार, सूचना नाप प्रविधि मन्त्रालययात विपक्षी दयका मुद्दा दायर याःगु खः। मेयर शाहया निर्देशनय् सोमवाःनिसे येँ महानगर दुनेया सिनेमा हलय् भारतीय फिल्मया प्रदर्शन रोके याःगु खः।

Categorized in राष्ट्रिय