शेयर बजाः थौं न कुहावःगु दु। शेयर बजाः परिसूचक नेप्से थौं बुधवाः १४ दशमलव शून्य ५ अङ्कं कुहावया २ हजार ५० दशमलव ७८ विन्दुइ कुहावःगु खः।

थौं होटल, जीवन बिमा, उत्पादन व व्यापार समूहया शेयर सामान्य थहावंसा मेमेगु समूहया शेयर कुहावःगु खः। बजाः नाप कारोबार रकम न कुहावःगु दु। म्हिगः मङ्गलवाः ४ अर्ब ११ करोड रुपैयाँया कारोबार जूगुलि थौं २ सय ७१ गु कम्पनीया ८६ लाख ५१ हजार कित्ता शेयर ३ अर्ब ४९ करोड ६८ लाख रुपैयाँया कारोबार जूगु खः।

दकलय् अप्पो शिवम् सिमेन्टया २३ करोड रुपैयाँया शेयर कारोवार जूगु खः। दकलय् अप्पो ग्रीन भेन्चर्स कम्पनीया शेयर ८ प्रतिशत व मेन्छियाम हाइड्रो नाप कर्पोरेट विकास बैंकया शेयर ५ प्रतिशत स्वया अप्पो कुहावःगु दु।

समग्र बजाः कुहावःसा थौं सिटी होटलया शेयर १० प्रतिशत व सोल्टी होटलया शेयर साढे ७ प्रतिशतं थहावःगु खः।

Categorized in राष्ट्रिय