मकवानपुरय् साढे ५४ लाख बराबरया लुँनाप छम्हेसित ज्वन
लहनान्युज | तछलागा एकादशी ११४३, जेठ ३१ बुधवाः
![](https://www.lahananews.com/sites/default/files/cc1_22.jpg)
मकवानपुरय् साढे ५४ लाख बराबरया लुँ नाप छम्हेसित प्रहरी ज्वंगु दु।
जिल्ला प्रहरी कार्यालय मकवनापुरं ५६१.३० ग्राम लुँ नाप छम्हेसित प्रहरीं ज्वनागु दु धका डिएसपी टेकबहादुर कार्की न जानकारी बिःगु दु।
वीरगंज महानगरपालिका वडा नं. १६ य् २२ दँ दुम्ह किशन साहयात प्रहरीं ज्वःगु खः। वयात प्रहरीं बुधवाः सुथय् साढे ३ बजे हेटौंडा उपमहानगरपालिका–१५ रातोमाटेय् ज्वंगु खः।
येँपाखे वयाच्वंगु प्रदेश २–०३–००१ ख ०१५९ नम्बरया बसं वयाच्वंगु खः। ५४ लाख ४८ हजार ५४२ बराबरया लाकामय् दुने ५६१.३० ग्राम लुँ सुचूका हःगु धका डिएसपी कार्की धाःगु दु।
Categorized in अपराध