शेयर बजाः न्हिच्छियक थहाः क्वहाः जुया कारोबार बन्द जूगु इलय् भचा थहावःगु दु।

म्हिगः ४० अङ्कं थहावना शेयर बजाः थौं ७ दशमलव ७९ अङ्कं थहावना १ हजार ९८७ दशमलव ८७  बिन्दुइ थ्यःगु दु। होटल व पर्यटन समूहया शेयर तसकं थहावःगु दु।

विकास बैंक व फाइनान्स समूहया शेयर निगु अङ्कं कुहावःगु दु। कारोबार रकम न थौं म्हिगः स्वया कुहावःगु दु।

थौ झण्डै साढे ३ अर्बया कारोबार जूगुलि २ सय ८५ गु कम्पनीया ७४ लाख ५४ हजार कित्ता शेयर २ अर्ब ८८ करोड ६५ लाख रुपैयाँया कारोबार जूगु खः। दकलय् अप्पो थौं सोल्टी होटलया १५ करोड २८ लाख रुपैयाँ शेयर न्यायेगु मिइगु जुगु दु।

अभियान लघुवित्त, कालीञ्चोक दर्शन व भूगोल इनर्जीया शेयर १० प्रतिशतं थहावःगु दु।

समग्र बजाः थहावंसा थौं प्रभु स्मार्ट फण्डया शेयर १० प्रतिशतं कुहावःगु दु।

Categorized in राष्ट्रिय