बागमती प्रदेशय् नवनियुक्त मन्त्रीपिन्स पद व गोपनीयताया शपथ काःगु दु।

नवनियुक्त मन्त्रीपिन्त प्रदेश प्रमुख यादवचन्द्र शर्मा न पद व गोपनीयताया शपथ याकूगु खः। बागमती प्रदेशया मुख्यमन्त्री शालिकराम जम्कट्टेलं नेपाली कांग्रेसपाखे स्वम्ह व नेकपा एकीकृत समाजवादीपाखे निम्ह मन्त्री दुथ्याका मन्त्रिपरिषद विस्तार याःगु दु।

कांग्रेसपाखे मसिना खड्का भण्डारी वन तथा वातावरण, पुकार महर्जन पर्यटन उद्योग तथा सहकारी, उत्तम जोशी स्वास्थ्य मन्त्री जूगु दु। कांग्रेसया रामकृष्ण चित्रकार विना विभागीय मन्त्री जूगु दु।

नेकपा एकीकृत समाजवादीपाखे लक्ष्मण लम्साल श्रम, रोजगार तथा यातायात मन्त्री जुगु दु सा राजेन्द्रमान श्रेष्ठ कृषि तथा पशुपक्षी विकास मन्त्री जूगु दु।

थौं आइतवाः मन्त्री नियुक्त जुइ धुका बागमतीइ मन्त्रिपरिषद १२ सदस्यीय जुगु दु।

Categorized in राष्ट्रिय