शेयर बजाः थौं आइतवाः न थहावःगु दु। वाःया न्हापागु दिं थौं शेयर बजाः परिसूचक नेप्से ५ दशमलव ८८ अङ्कं थहावना १ हजार ८ सय ८३ दशमलव २० विन्दुइ थ्यःगु दु।

थौं विकास बैंक, फाइनान्स, जलविद्युत् व उत्पादन समूहया शेयर सामान्य कुहावःगु दु सा दक्को समूहया शेयर थहावःगु दु। होटल व बीमा समूहया शेयर तसकं थहावःगु दु।

बजाः नाप थौं कारोबार रकम न सुधार वःगु दु। थौं २७३ गु कम्पनीया ४८ लाख २८ हजार कित्ता शेयर १ अर्ब ६० करोड ४ लाख रुपैयाँ कारोबार जूगु दु।

दकलय् अप्पो शिवम् सिमेन्टया ६ करोड १७ लाख रुपैयाँया शेयर न्यायेगु मिइगु जुगु दु। दकलय् अप्पो थौं राष्ट्रिय बीमा संस्थान व आत्मनिर्भर लघुवित्तया शेयर १० प्रतिशतं थहावंगु दु।

समग्र बजाः थहावंसा थौं आदर्श लघुवित्तया शेयर दकलये अप्पो साढे ६ प्रतिशतं कुहावःगु दु।

Categorized in राष्ट्रिय