दिल्लींं पञ्जावयात १५ रनं त्याकल
राम डंगोल | बछलागा चतुर्दशी ११४३, जेठ ४ बिहीवाः
![](https://www.lahananews.com/sites/default/files/ddl.jpg)
इन्डियन प्रिमियर लिग (आईपीएल) य् बुधवाः चान्ह्यः जुगु कासाय् दिल्ली क्यापिटल्सं पञ्जाव किंग्सयात १५ रनं पराजित जूगु दु। थ्व स्वया न्ह्यः हे प्लेअफ कासां पिहावने धुकुगु दिल्ली आः पञ्जाव न प्लेअफ सम्भावना वने थाकुगु दु।
धर्मशालाय् जुगु कासाय् दिल्लीं बिगु २१४ रनया लक्ष्य पञ्जावं निर्धारित २० ओभरय् ८ विकेटय् १९८ रन जक दयकूगु खः। लियम लिभिङस्टोनं ९४ रन, अथर्व टाइडें रिटायर्ड जुइ न्ह्यः ५५ रन दयकूगु खः।
दिल्लीका यशान्त शर्मा व एकरिक नवर्कियखं निगु निगु नाप खलिल अहाद व अक्षर पटेलपिन्स छगु छगु विकेट काःगु खः। न्हापा ब्याटिङ याःगु दिल्लीं राइले रुसोया आक्रमक ब्याटिङं निगु विकेटय् २१३ रन दयकूगु खः।
पञ्जावया लागि साम करनं निगु विकेट काःगु खः।
Categorized in कासा