जिल्ला सरकारी वकिलया कार्यालय, काठमाडौं न पूर्वगृहमन्त्री बालकृष्ण खाँणया बयान कयाच्वंगु दु।

नेपाली नागरिकपिन्त भुटानी शरणार्थी दयका अमेरिका छ्वया करोडौं असूली याःगु द्धपनय् फयाच्वम्ह खाँणया बयान म्हिगः सोमवाःनिसे सुरु जूगु खः।

जिल्ला सरकारी वकिल कार्यालयया छम्ह उपन्यायाधिवक्ता व जिल्ला प्रहरी परिसर, काठमाडौं मुद्दाका शाखाया डीएसपी निरञ्जनदत्त भट्टया उपस्थितिइ खाँणया बयान काःगु खः।

सोमवाः न्ह्यसः न्यनाच्वंगु इलय् ‘थौंयात थुलि हे’ धका पूर्वगृहमन्त्री खाँण दनावंगु खः। न्यागु खुगु न्ह्यसः न्यनेवं हे थौंयात गातं धका दनावंगु’, सरकारी वकिल कार्यालयया छम्ह अधिकारी धाःगु खः।

लिबाक्क तक जूसा बयान कायेगु सरकारी वकिल व प्रहरीया तयारी दु । बुधवाःतक दुने अनुसन्धान क्वचायेका रायनापं प्रतिवेदन लःहायेगु सरकारी वकिलं निर्देशन बिःगु माःगुलि प्रहरी न दबावये दु।

Categorized in राष्ट्रिय