जिल्ला सरकारी वकिलया कार्यालय काठमाडौं न नक्कली भुटानी शरणार्थी प्रकरणय् ज्वम्ह नेकपा एमालेया नेता टोपबहादुर रायमाझीयात बयान कायेगु सुरु जुुगु दु।

जिल्ला अदालत काठमाडौं न न्यायाधीश केशवप्रसाद अधिकारीया इजलासं रायमाझीयात स्वन्हु हिरासतय् तया अनुसन्धान यायेत प्रहरीयात अनुमति बिइवं वयागु बयान कायेगु सुरु जुगु दु।

जिल्ला सरकारी वकिलया कार्यालय उपन्यायधिवक्ता नाप जिल्ला प्रहरी परिसर काठमाडौंया मुद्दा शाखाया डीएसपी निरञ्जन भट्टया टोलीं रायमाझीया बयान कायेगु सुरु यागु दु।

थुगु मुद्दा बुधवाः तक अनुसन्धान क्वचायेका  फाइल तयार यायेमाःगुलि बयान सुरु यानागु धका जिल्ला सरकारी वकिल कार्यालयया प्रमुख अच्युतमणि न्यौपाने न जानकारी बिःगु दु।

Categorized in राष्ट्रिय