नेकपा एमालें भ्रष्टाचारविरुद्ध येँ छगु प्रदर्शन याःगु दु। भृकुटीमण्डपय् एमाले नेता–कार्यकर्तापिन्स थौं न्हिनय् प्रदर्शन याःगु खः।

उमिसं ‘दोषी छुटे मजुइमाः, निर्दोष फसेमजुइमाः’ धका च्वयातःगु ब्यानर ज्वना वःगु खः। नक्कली भुटानी शरणार्थी प्रकरणय् मुछे जुम्ह एमाले नेता टोपबहादुर रायमाझीयात प्रहरीं ज्वःगु कन्ह्य कुन्हु हे एमाले न भ्रष्टाचार विरुद्ध प्रदर्शन याःगु खः।

उगु प्रदर्शनय एमाले नेतापि महेश बस्नेत, ठाकुर गैरे, विशाल भट्टराई, सुजाता शाक्य, अनेरास्ववियु अध्यक्ष समिक बडाल लगायतपि सहभागी जुगु खः।

Categorized in राष्ट्रिय